الامير والشاعربدر بن عبد المحسن

كافي الليالي

كافي الليالي زود همٍ وهوجاس
الوقت راح وباقي العمر مطرود

من صارع الدنيا على كل مـرواس
لابد ما تخذلـه خـلان وعضـود

ومن لا يعذر الناس ما يبخص الناس
للطيب حد والردى ماله حـدود

ومن لا يعرف الدرب من وين ينداس
إما يضيع او ياجد الدرب مسدود

مثل اللذي يسقي ضواميه بألفاس
ولا اللذي بالماء يبي يقطع فنود

الفاطن اللي كل ماهب نسناس
فل الشراع وجاه من ماطرى فود

لو للحيا والسمت للرزق مقياس
ما نبتت اشواكٍ ولا ماتت ورود

طال الصبر مابين عاذل وبلاس
وتعبت اذود النفس عن كل منقود